-
-
818 m
285 m
0
4,4
8,7
17,47 km

Переглянуто 1516 раз(и), завантажено 27 раз(и)

біля Perlavia, Asturias (España)

Perlavia - Tabayones de Buanga - Picu Plantón - Carretera Llinares - Lletreru pueblu Llinares - Pista Sama - Senderucu pente escayos y felechos al picu Grandamiana - Vuelta a pista Sama - Sama:Palaciu y La Veiga - Carretera Trubia - Perlavia.

De la ruta "TABAYONES DE BUANGA(GUANGA) Y PICU PLANTÓN" pláxome a mi mesmu pa facer parte d'esta descripción.
Entámase'l camín nel guapu pueblu de Perlavia. Con direición sureste pela ruta del Osu y pente una guapa viesca llégase a los tabayoninos de Buanga qu'en tiempos de lluvia producen plasmu pola so guapura. Dempués de que los nuesos güeyos gocien con esti espectáculu natural abandonamos la ruta l'Osu y con direición suroeste per un senderín que sigue viesca arriba y dempués pente felechos va bordiando per mandrecha la xerra Buanga.
Tres dos kilómetros y mediu de llevadera subida llegamos a la carreterina que, pasando per Castañeo del Monte(Santo Adriano), xunta San Andrés(Uviéu) con Llinares(Proaza).
Ensin llegar a ella, con direición este, entamamos la fácil subida al vistosu picu Plantón.
Dempués de recrease coles guapes panorámiques baxamos pel mesmu camín y travesando per una portiella salimos a la carretera pela que caminamos unos 1800 metros con direición a Llinares. Xunto al lletreru qu'anuncia'l pueblín hai una pista a mandrecha pela que cambiando de direición caminamos unos doscientos metros pa per un senderu enllenu felechos y escayos xubir al picu Grandamiana, techu de Santo Adriano.
Dempués que los nuesos güeyos gocien d'unes vistes tovía meyores que les del Plantón volvemos a la pista pela que, sin pérdiga posible, baxamos a Sama.
Lluéu pela carretera Trubia volvemos al principiu y fin d'esti prestosu paséu.

View more external

Коментарі

    You can or this trail