Moving time  3 годин 57 хвилин

Час  8 годин 34 хвилин

Координати 2745

Uploaded 24 червня 2018

Recorded червня 2018

-
-
487 m
17 m
0
3,9
7,8
15,59 km

Переглянуто 937 раз(и), завантажено 40 раз(и)

біля Saurbaer, Höfuðborgarsvæði (Lýðveldið Ísland)

Pílagrímaganga á jónsmessu 2018 um Síldarmannagötur með K Huldu Guðmundsdóttur á Fitjum. Lagt upp frá vörðunni Guðjóni í Hvalfjarðarbotni og gengið til norðurs um Síldarmannagötur að Vatnshorni við Skorradalsvatn og þaðan að Fitjum.
Þægileg og róleg ganga undir leiðsögn Huldu á Fitjum.
Að leiðarlokum var boðið uppp á pílagrímasúpu og heimareyktan silung frá Fitjum. Samverunni lauk síðan með notalegri stund í Fitjakirkju.
Takk fyrir mig!
фото

Guðjón (varðan)

Leiðin um Síldarmannagötur liggur upp frá vörðu, sem ber nafnið Guðjón innarlega við Botnsvoginn, vestan Brunnár. Leiðin liggur stall af stalli í krákustígum upp á flatann til móts við Þyril.
фото

Við runnann

Kynning þátttakenda við upphaf göngu
panorama

Útsýni

Útsýni til Botnsdals, Hvalfells og Botnssúlna
panorama

Útsýni

Horft út Botnsvog og Hvalfjörð
фото

Hádegisverður

Hér eru pílagrímar langt komnir með að klífa upp á fjallið og slegið upp hádegisverði. Síminn átti erfitt með að fanga birtuna - svona "á móti sól"
фото

Vörður

Varða á vegi - hér erum við kominn upp á heiðina á hæð við koll Þyrils
фото

Bláskeggsá

Leiðin um Síldarmannagötur liggur tvisvar yfir Bláskeggsá - hér er fyrra vaðið. Á áreyrunum fannst hreiður með einu eggi rétt hjá einum pílagrímanna, sem til allrar mildi skaðaði ekki eggið.
panorama

Vatnaskil

Hér er farið að sjást til fjalla Borgarfjarðar - framundan er Okið og Oköxlin og hópurinn staddur á vatnaskilum. Við Tvívörðu liggur hæsti punktur á leiðinni, skv kortabókinni 487 m.y.s. og mældi síminn minn sömu hámarkshæð.
panorama

Við Tvívörður

Frá Tvívörðum er skemmtilegt útsýnið, sérstaklega til fjallanna í austri - frá Oki um jöklana - Geitlandsjökul, Þórisjökul, suðurhlíðar Langjökuls, Jarlhettur, Hlöðufell, Skjaldbreiður, Hvalfell og Botnssúlna ásamt fleiri fjöllum nær og fjær.
фото

Tvívarða

фото

Við vegamót

Kaffipása tekin við ásinn hjá vegprestinum sem sýnir Vatnshorn og framdalinn
фото

Hlið

Þegar halla fór niður til Skorradals og leiðin lá um hlið á afréttargirðingu fór aðeins að súlda á hópinn
фото

Skorradalur, brún og útsýni

Horft niður til Fitja og Skorradals - hér var farið að rigna. Hópurinn taldi sig ljónheppinn, gott og milt gönguveður allan daginn og ekki fór að rigna fyrr en síðustu kílómetrana, þrátt fyrir veðurspár
фото

Varða ofan Vatnshornsbæjarins

Síldarmannagötur liggja ofan af Botnsheiði niður að Vatnshorni og hér er hópurinn við það að stilla sér upp til hópmyndatöku
фото

Fitjaá

Hulda á Fitjum að kanna vaðið á Fitjaánni og hópurinn fylgdi síðan á eftir, hressandi fótabað undir lok leiðarinnar.
фото

Pílagrímasúpa á Fitjum

Hér eru frekar lélagar myndir teknar á nærri rafmagnslausann símann heima á Fitjum, þar sem þær stöllur Hulda Guðmundsd og Inga Björnsd töfruðu fram frábæra pílagrímasúpu og buðu upp á heimakrásir, eigin birkireyktan silunginn úr Skorradalsvatni og salat með reyktum silungi. Dýrðarveitingar að lokinni pílagrímagöngu um 15,6 km um Síldarmannagötur

Коментарі

    You can or this trail